اهلا وسهلا في مدونات شاب العايدي : يا الحجلة

يا الحجلة جاك الصياد من بعيد
مع نسيم الصبحة والشمس طالعة
يا العلجة بهاك محاينو تزيد
مخبية في زينك وانتي شايعة

يا الحجلة عينيك ملاح مذبلين
عليك ديك النظرة بالسر ظاهرة
فيك الرهبة ورجليك ديما محنيين
يا من درى يجي يجيبك الوعد زايرة
آش عندك قلبك حجرة ولا حديد
ما ظهر خيالك واش بيك حايرة

اللي يشوفك يفرح ويقول يوم عيد
خاطروا يتهنى والقلب يا درى
وهكدا يتمنى في حالتوا يغيد
من غرامك رجع مريض ما برى
وجا يصيد ما قرا ما راح للمسيد
الله يحسن عونو ما باع ما شرى

ويا الحجلة ريشك أرطب من الحرير
شحال تواتيك ديك المشية مربعة
عليك يفنى اللي يحبك هكدا يغير
شاعلة في ذاتو نيران طالعة
آش طامع داك الصياد الجديد
راه صابر يستنى فيك راجعة