اهلا وسهلا في مدونات شاب العايدي : زجل قلبي

" زجل قلبي"

نحكي ونعاود ليك واحد المرّة
نهار شفتها هي لي داخلا او نايرة
سولت قلبي عليها لقيتو محتار
السمرة فيها بحال القمرة
شوقها في قلبي نار بلا جمرا
الشَّعر عَندها أَحسن سالف
لي شافو يبقى تالف
قوامها لاتسول و لا تعيب
هاذ الزين خلاّني هايم
بنهار معذب أ بالليل ما نايم
بكلامها تروي عطشي
و صورتها من بالي ما تمشي
الجلسة معاها الطيب وتحلى
وصورتها من وجداني ما تجلى
ننساها وفراقها مانطيقو
حبها يحيي اليابس من الارض
ويشفي الواحد من كل مرض
يحمق كل عاقل ويعقل كل مجنون
هذا سري قلبي راه مكنون
هذه قصة حب قديم كنت تمنيتو يكمل
ضاع رجايا من الزمان وجرى لي جرى......